Kryetarja e Kuvendit, Elisa Spiropali, priti të mërkurën Vasilika Hysi, Përfaqësuese e Përhershme e Shqipërisë në Misionin pranë OKB-së në Gjenevë, dhe Besiana Kadare, Ambasadore e Shqipërisë në UNESCO.
"Gjatë këtyre takimeve Kryetarja Spiropali diskutoi me ambasadoret mbi bashkëpunimin për përmirësimin e raportimeve të Shqipërisë në OKB, në organizatat ndërkombëtare me seli në Gjenevë si edhe mbi bashkëpunimin me UNESCO-n për ruajtjen e trashëgimisë kulturore dhe fuqizimin e rolit të Shqipërisë në këtë agjenci të OKB-së.", thuhet në njoftim.
/rtsh.al/