Policia sllovake do të deportojë një shtetas ukrainas që dyshohet se paraqet ‘kërcënim për grusht shteti”.
Sipas një raporti të nxjerrë nga autoritetet sllovake dhe mediat e këtij vendi por edhe shefja e policisë Jana Maskarova, bëhet e ditur se dëbimi pritet duhet të ndodhë “sa më shpejt të jetë e mundur”.
“Aktualisht shtetasi ukrainas ndodhet në Policinë e Jashtme dhe Kufitare, ku po vijon procedura administrative e përjashtimit”, tha ajo.
Raportet tregojnë se agjencia sllovake e inteligjencës SIS (Slovenská Informačná Služba) do të publikonte një raport mbi "grusht shteti" në një mbledhje të komitetit të mbrojtjes. Megjithatë, dokumenti u klasifikua si sekret.
Ministria e Jashtme e Ukrainës i tha agjencisë së lajmeve Interfax-Ukraine se Ambasada e Ukrainës në Sllovaki vendosi shpejt kontakte me personin e ndaluar dhe familjen e tij.
Zyrtarët konsullorë po ofrojnë ndihmën e nevojshme dhe po koordinohen me avokatin e tij personal.
“Ne theksojmë nevojën që pala sllovake të respektojë të drejtat dhe interesat ligjore të qytetarit ukrainas. Ambasada e Ukrainës në Sllovaki tashmë ka kontaktuar me autoritetet sllovake për të sqaruar arsyet e ndalimit”, tha Ministria e Jashtme e Ukrainës.
/rtsh.al/
