Një 56-vjeçar është arrestuar nga Policia e Shkodrës pasi qarkullonte me kallashnikov dhe thikë.
Shërbimet e Patrullës së Përgjithshme kanë ndaluar në fshatin “Vrakë’ automjetin me drejtues 56-vjeçarin dhe pas kontrollit të ushtruar në mjet kanë gjetur dhe sekuestruar një armë zjarri kallashnikov me krehër me municion luftarak dhe një mjet prerës (thikë).
Ndërkaq, policia po punon për zbulimin e qëllimit që 56-vjeçari lëvizte i armatosur.
“Finalizohet operacioni policor i koduar "Parandalimi". Shërbimet e Komisariatit te Policisë Shkodër, në vijim të punës për goditjen e paligjshmërisë në fushën e armëmbajtjes pa leje, bazuar dhe në inteligjencën policore, se një shtetas qarkullonte me armë zjarri, kanë organizuar punën për kapjen e tij.
Si rezultat i veprimeve të shpejta operacionale u realizua kapja dhe arrestimi në flagrancë i shtetasit A. C., 56 vjeç, banues në fshatin Leporosh.”, thuhet në njoftim.
/rtsh.al/
