Për një sezon turistik pa problematika dhe lehtësimin e lëvizshmërisë së turistëve dhe vizitorëve në këtë periudhë dhe jo vetëm prefektura e qarkut të Gjirokastrës ka marrë një sërë masash, si dhe ndërlidhjen e punës me të gjitha institucionet përkatëse për mbarëvajtjen e tij.
Prefekti Odise Kote pohon se një risi e re për këtë vit është edhe certifikimi i guidave nga Ministria Mjedisit dhe Turizmit.
“Risi për këtë vit është fakti që Ministria e Mjedisit dhe Turizmit e ka certifikuar tur-operatorët turistikë, por kemi edhe guidarët që ofrojnë shërbimin e tyre special për turizmin malor apo turistik”, tha Kote.
Për prefektin Kote, masa të tilla shërbejnë në tëresi për një zhvillim të turizmit të qëndrueshëm.
RTSH