Dy ditë më parë një defekt në njërën nga dyert e bunkerit ku qëndrojnë akseleratorët linearë pësoi defekt, duke pamundësuar kështu mbylljen hermetike të tij.
Për të shmangur rrjedhjen nga rrezatimi i dhomës, shërbimi në njërën nga dhomat u ndërpre dhe trajtimet kanë vijuar me akseleratorin e dytë.
RTSH ka mësuar nga burime të brendshme të QSUT-së se defekti është riparuar ditën e dytë nga ekipi i mirëmbajtjes së QSUT, si dhe ka siguruar pamjet ekskluzive të portës që hapet dhe mbyllet normalisht në mënyrë hermetike.
Sipas teknikëve, defekti kishte të bënte me një rënie prej 1 cm të portës, e cila nuk lejonte mbylljen hermetike. Defekti në derë është riparuar dhe aktualisht trajtimet radiologjike do të vijojnë normalisht me të dy akseleratorët nga e hëna e me tej.
Burimet bëjnë më dije se gjatë dy ditëve të defektit dera është mbajtur e mbyllur dhe nuk ka pasur rrjedhje të rrezatimit në ambientet e spitalit.
Gazetare: Sonila Mlloja
/rtsh.al/