Presidenti i Ukrainës, Volodymyr Zelensky, ka deklaruar se është i gatshëm të nënshkruajë një marrëveshje për mineralet dhe sigurinë me Shtetet e Bashkuara të Amerikës dhe të punojë nën “drejtimin e fuqishëm” të presidentit Donald Trump.
Në një reagim vetëm pak minuta më parë në rrjetin social “X”, dikur Twitter, Zelensky pranoi se takimi i tij me presidentin Trump “nuk shkoi siç ishte parashikuar”, por Ukraina, theksoi ai, është e gatshme të punojë shpejt për të mbyllur luftën.
“Takimi ynë në Uashington, në Shtëpinë e Bardhë nuk shkoi ashtu siç duhej të ishte.
Është për të ardhur keq që ndodhi në këtë mënyrë. Është koha për të rregulluar gjërat.
Fazat e para mund të përfshijnë çlirimin e të burgosurve, si dhe një armëpushim ajror, duke ndaluar raketat, dronët, bombat mbi infrastrukturën energjetike dhe civile, nëse Rusia do të bëjë të njëjtën gjë”-shkruan Zelensky.
Gjithashtu theksoi angazhimin e Ukrainës për paqe dhe lavdëroi Trump-in për ndihmën e tij, duke i siguruar Ukrainës armët “Javelin”.
“Jemi të gatshëm të punojmë për t’i dhënë fund luftës” –Presidenti ukrainas, Volodymyr Zelensky, ka thënë se është gati të nënshkruajë një marrëveshje për mineralet dhe sigurinë me Shtetet e Bashkuara dhe të punojë nën udhëheqjen e presidentit Donald Trump.
Më tej ai theksoi vlerësimin e Ukrainës për ndihmën e Amerikës në ruajtjen e sovranitetit dhe pavarësisë së saj. Ai kujtoi gjithashtu momentin kur Trump ofroi armët Javelin për Ukrainën, duke thënë se ky veprim ishte i rëndësishëm për ndryshimin e situatës.
Ai përsërit angazhimin e Ukrainës për paqen, duke shtuar se askush nga ata nuk dëshiron një luftë të pafund.
“Ukraina është e gatshme të vijë në tryezën e bisedimeve sa më shpejt që të jetë e mundur për të afruar paqen e qëndrueshme. Askush nuk dëshiron paqen më shumë se ukrainasit. Ekipi im dhe unë jemi të gatshëm të punojmë nën udhëheqjen e fortë të Presidentit Trump për të arritur një paqe që zgjat,” shton presidenti.
“Ne jemi gati të punojmë shpejt për t’i dhënë fund luftës,” thotë ai.
Deklatata e Zelenskyt
Dëshiroj të ritheksoj përkushtimin e Ukrainës për paqen. Asnjëri prej nesh nuk dëshiron një luftë të pafund. Ukraina është e gatshme të vijë në tryezën e bisedimeve sa më shpejt që të jetë e mundur për të afruar paqen e qëndrueshme. Askush nuk dëshiron paqe më shumë se ukrainasit. Ekipi im dhe unë jemi gati të punojmë nën udhëheqjen e fortë të Presidentit Trump për të arritur një paqe që zgjat.
Ne jemi të gatshëm të punojmë shpejt për t’i dhënë fund luftës dhe fazat e para mund të jenë lirimi i të burgosurve dhe armëpushimi në qiell – ndalimi i raketave, dronët me rreze të gjatë, bombat në energji dhe infrastrukturë tjetër civile – dhe armëpushimi në det menjëherë, nëse Rusia bën të njëjtën gjë. Pastaj ne duam të ecim shumë shpejt nëpër të gjitha fazat e ardhshme dhe të punojmë me SHBA-në për të rënë dakord për një marrëveshje të fortë përfundimtare.
Ne vërtet vlerësojmë se sa shumë ka bërë Amerika për të ndihmuar Ukrainën të ruajë sovranitetin dhe pavarësinë e saj. Dhe ne kujtojmë momentin kur gjërat ndryshuan kur Presidenti Trump i dha Ukrainës Javelins. Ne jemi mirënjohës për këtë.
Takimi ynë në Uashington, në Shtëpinë e Bardhë të premten, nuk shkoi ashtu siç duhej të ishte. Është për të ardhur keq që ndodhi në këtë mënyrë. Është koha për të rregulluar gjërat. Ne dëshirojmë që bashkëpunimi dhe komunikimi i ardhshëm të jetë konstruktiv.
Lidhur me marrëveshjen për mineralet dhe sigurinë, Ukraina është e gatshme ta nënshkruajë atë në çdo kohë dhe në çdo format të përshtatshëm. Ne e shohim këtë marrëveshje si një hap drejt një sigurie më të madhe dhe garancive solide të sigurisë, dhe shpresoj vërtet se do të funksionojë në mënyrë efektive.
/rtsh.al/
