Kryeministri Edi Rama ndau sot lajmin në rrjet sociale se ka nisur puna për ndërtimin e Parkut Urban në Spitallë të Durrësit.
Kreu i qeverisë teksa ka ndarë pamje nga kantieri i punimeve për ndërtimin e këtij parku, shkruan se kjo zonë e harruar do të kthehet në një hapësirë rekreative në shërbim të qytetarëve.
Gjithashtu Rama ka shpalosur projektin për rehabilitimin e kësaj hapësirë, i cili parashikon gjelbërim të shtuar, zonë për këmbësorët, pistë biçikletash, terrene sportive dhe zonë të dedikuar për fëmijë”.
Hapësira që është planifikuar të zhvillohet ky projekt përfshinë një sipërfaqe prej 12 000 metra katror ku parashikohet rehabilitimi i gjithë zonën.
Një tjetër element i rëndësishëm i projektit është shtimi i biomasës së gjelbër përgjatë gjurmës së ndërhyrjes dhe krijimi i xhepave të gjelbër që do të mundësojnë hapësira publike të përshtatshme për zhvillimin e aktiviteteve në komunitet.
/rtsh.al/
