Një sport që po praktikohet gjithmonë e më shumë në lumin Shkumbin është ai i rafting. Jo vetëm vendasit por edhe turistët që vizitojnë Elbasanin, nuk lënë pa e shijuar këtë aktivitet plot adrenalinë.
“Jam kaq e emocionuar. Është e para herë që unë bëj rafting. Ishte pak e lodhshme dhe e vështirë, por na mësuan si ta përballojmë si profesionistë. E shijova shumë”, shprehet një turiste.
Rrezikshmëria në lumin Shkumbin është zero, ndaj dhe është i përshtatshëm për çdo moshë. Guidat janë të trajnuara nga Federata Shqiptare e Rafting, dhe për të përballuar kërkesat në rritje po marrin statusin e trajnerit edhe të rinj nga Elbasani:
Pas raftingut në kanionet e Osumit, ushtrimi i këtij sporti po bëhet prej 3 vitesh edhe në ujërat e lumit Shkumbin.
RTSH
