Të rinjtë që po vijnë në Shqipëri falë marrëveshjeve me universitete të ndryshme, edhe po punësohen. Dy të rinj nga Spanja ndajnë me RTSH përvojën e tyre në Gjirokastër.
Gjirokastra po i jep mundësinë të rinjve që jo vetëm të studiojnë por edhe të punësohen .Marrëveshje bashkëpunimi midis universitetit “Eqerem Cabej” në Gjirokastër dhe universiteteve spanjolle po mundëson studimin dhe punësimin e studentëve që zgjedhin Gjirokastrën.
Elathari është 19-vjecari nga Spanja që studion dhe punon këtu. Ai thotë se kjo është një mundësi shumë e mirë sepse po i aftëson ata më tepër për në tregun e punës .
“Zgjodha Gjirokastrën sepse më pëlqeu. Unë studioj në degën e ekonomikut. Ky është një qytet shumë i qetë dhe i bukur, mund të bësh një sërë aktivitetesh. Njerëzit këtu janë të dashur dhe në punë sillen shume mirë me ne. Po kam dëshirë për të qëndruar edhe më gjatë në Gjirokastër”, tha 19-vjeçari.
Si Elathari është edhe Evo 22 vjeç po ashtu nga Spanja i cili studion dhe punon në Gjirokastër.
“Unë jam këtu nga programi Erasmus dhe gjithashtu po punoj si netorkër. Kjo është një mundësi e mirë që na ofrohet jo vetëm për studim por në këtë mënyrë njohim vende të reja dhe kulturat e tyre. Njerëzit këtu janë shumë miqësor dhe mendje hapur ndaj për ne ishte shumë e lehtë që të përshtateshim”, tha 22-vjeçari.
Programet e bashkëpunimit ndër të tjera synojnë shkëmbimin e eksperiencave arsimore dhe kulturore si dhe krijimin e rrjetëzimin për mundësi më të mira të zhvillimit të karrierës.
RTSH
