Vepra "Përhumbur" e kompozitorit shqiptar Dorian Çene, ka çelur koncertin e Orkestrës Simfonike te Radio Televizionit Shqiptar, një traditë kjo që vijon prej kohësh, për të sjellë pranë publikut edhe krijimet artistike nga virtuozët tanë.
Më pas veprës shqiptare i është bashkuar edhe Koncert për piano Nr. 2, një nga më të famshmit në botë, i kompozuar nga pianisti virtuoz dhe dirigjent rus, Sergej Rachmaninoff (Rakmaniof). Koncerti ka ardhur nën dirigjimin e Olsi Qinamit dhe solist pianistin Ekland Hasa
Koncerti, me kryeveprat më të bukura dhe aq të dashura për publikun shqiptar ka sjellë emocion tek publiku artdashës.
/RTSH/
