Drejtoria Vendore e Policisë në Tiranë, njofton se për shkak të tubimit të paralajmëruar nga opozita ditën e enjte, në orën 11:00, përpara Bashkisë së Tiranës, do të ketë bllokime të disa segmenteve rrugore, si dhe bllokime të pjesshme të disa segmenteve të tjera në varësi të lëvizjes së tubuesve.
Policia njofton qytetarët se duke filluar nga e enjtja, prej orës 09:30 e deri në përfundim, do të ketë bllokim të përkohshëm të qarkullimit të mjeteve, në bulevardin kryesor pranë Bashkisë së Tiranës.
Policia u bën thirrje qytetarëve që të shmangin lëvizjen në këto akse rrugore dhe të përdorin rrugë alternative, deri në përfundim të tubimit, si Unaza e Mesme dhe Unaza e Madhe.
/ rtsh.al /