Kryeministri izraelit Benjamin Netanjahu ka bërë të ditur se Izraeli “po përparon drejt fazës së fundit të eliminimit të ushtrisë terroriste të Hamasit”.
Duke folur me studentët nga Kolegji i Mbrojtjes Kombëtare, ku ishin të pranishëm edhe studentë të huaj nga Gjermania, Singapori, Japonia, Italia, Çekia dhe Koreja e Jugut.
“Do të ketë një vazhdim për të goditur mbetjet” shpjegon Netanyahu.
Netanjahu zotohet se Izraeli do t'i arrijë të gjitha qëllimet e tij të luftës.
Ndërkaq, ushtria izraelite u ka bërë thirrje palestinezëve në lagjet lindore të Khan Younis në Rripin jugor të Gazës që të evakuohen dhe të shkojnë drejt zonës së caktuar humanitare.
Nënkoloneli Avichay Adraee, zëdhënësi i IDF-së në gjuhën arabe, publikon një listë të zonave që duhet të evakuohen së bashku me njoftimin.
Zonat përfshijnë periferitë Khan Younis të al-Qarara dhe Bani Suheila, lagjet Abasan, qytetin Khuza'a dhe disa zona të tjera. Lëvizja vjen pasi një breshëri prej të paktën 20 raketash u hodhën këtë mëngjes nga zona Khan Younis në komunitetet kufitare izraelite.
/rtsh.al/
