Opozita do të nisë nesër (7 tetor) protestën e orës 18.00, të lëvizjes pa kthim, për të garantuar plotësimin e kërkesës për krijimin e qeverisë teknike si garant për plotësimin e standarteve të zgjedhjeve të ardhme parlamentare.
Protesta që nis para selisë së Kryeministrisë është konceptuar në formën e marshimit, ku në vend të fjalimeve parashikohen akte të mosbindjes civile sikundër bllokime të akseve kryesore rrugore të Tiranës.
Opozita ka njoftuar se ditën e hënë më datë 7 tetor do të ngrihen në protestë për arrestimin e deputetit Ervin Salianji, si dhe përjashtimin nga jeta parlamentare e 24 deputetëve të tjerë për djegien e karrigeve të Parlamentit dhe tentativës për goditjen e kryeparlamentares Elisa Spiropali.
Gazetare: Anisa Kadesha
/rtsh.al/
