Anticikloni afrikan vijon të jetë në maksimumin e tij në Mesdheun qëndror prandaj dita e fundit e vitit dhe nata e Vitit të Ri 2023 tashmë do të jetë me diell temperatura të larta në vendin tonë.
E Shtunë, data 31 Dhjetor 2022
Moti do të jetë me mjegull të dendur në mëngjes dhe vranësira, gjatë ditës do të jetë me diell. Era do të jetë me drjetim Veri - Perëndim me shpejtësi 6 m/sek në bregdet. Valëzimi do të jetë i forcës 3 me lartësi vale 0,5 deri në 1,0 metër në det të hapur. Temperaturat do të jenë me rritje.
Temperaturat minimale dhe maksimale:
Zona malore 1/14°C
Zona e ulët 0/20°C
Zona bregdetare 10/19°C
Moti do të jetë me mjegull të ngrirë dhe kthjellime. Era do të jetë me drejtim Veri-lindje me shpejtësi 6 m/sek. Temperaturat do të luhaten në ekstremet e tyre 0°C në mëngjes ndërsa në mesditë do të jenë me rënie 11°C - 14°C .
E Diel, data 01 Janar 2023
Moti do të jetë me kthjellime dhe vranësira të pakta. Era do të jetë me drjetim Veri - Perëndim me shpejtësi 6 m/sek në bregdet. Valëzimi do të jetë i forcës 2 me lartësi vale 0,5 deri në 1,0 metër në det të hapur. Temperaturat do të jenë me rritje.
Temperaturat minimale dhe maksimale:
Zona malore 1/15°C
Zona e ulët 3/22°C
Zona bregdetare 12/20°C
Meteorologe: Rezarta Xhakollari
