Moti me shi pritet të mbërrijë në Shqipëri

Moti me shira pritet të vijë sërish në Shqipëri. IGJEUM dhe Shërbimi Meteorologjik Ushtarak parashikojnë prej datës 22 deri më 26 janar në të gjithë territorin e vendit të ketë reshje intensive shiu. Sipas tyre intensiteti i rreshjeve pritet të shkojë deri në 230mm/24 orë në zona të caktuara.
Agjencia Kombëtare e Mbrojtjes Civile, në Ministrinë e Mbrojtjes, paralajmëron me këtë rast bashkitë dhe prefekturat të marrin masat në mënyrë që kjo situatë të mos i gjejë të papërgatitur. Ajo lajmëron nevojën e intensifikimit e punës për vënien në gatishmëri të strukturave operacionale vendore dhe qendrore, me qëllim ruajtjen e jetës dhe pronës së popullatës, gjësë së gjallë, objekteve të rëndësisë së veçantë, mjedisit dhe trashëgimisë kulturore. Agjensia bën të ditur se këto rreshje, mund të ndikojnë në rritjen e nivelit të lumejve kryesorë si Drini, Mati, Shkumbini, Vjosa, Semani dhe në veçanti të baseneve të kaskadës së HEC-eve mbi Drin.