Vjersha ose kënga që të kujton fëmijërinë dhe festat? Kjo është tema për të cilën do të diskutojmë në mëngjes, duke mirëpritur telefonatat në numrin e telefonit: 042 400 603, dhe komentet në rrjetin social Facebook .
‘’Sytë’’ është titulli i këngës më të re me të cilën këngëtari Sardi vjen përpara publikut shqiptar. Për këngën e tij të fundit dhe emocionet e çmimit të marrë në Festivalin e 59’ në RTSH ne do e kemi të ftuar në studio.
Motivimi është një nga sfidat e ditëve të sotme. Trajnuesit, ekspertët e temave të ndryshme janë të pranishëm për të na sjellë këshillat e nevojshme. Për rëndësinë që i japim vetëbesimit tonë dhe shumë pyetje të tjera do të bisedojmë me trajnuesen Valbona Brahaj.
Por natyrisht që pjesë e pandarë e emisionit është muzika më e mirë shqiptare dhe e huaj. Informacionet rreth Aktualitetit, Politikës, Sportit, Artit, Ekonomisë dhe Kulturës vijnë drejtpërdrejt nga webi i ''rtsh.al''.
Parashikimi i Motit, lidhjet me korrespondentët nëpër rrethe, kuriozitete dhe aforizma, ngjarjet nga muzika botërore dhe shumë surpriza të tjera i gjeni vetëm duke na ndjekur nga ora 07:00-10:00 në RTSH 1, Radio Tirana 1 ose në telefonin tuaj celular me aplikacionin ''RTSH TANI'', i cili serviret pa pagesë për të gjithë telefonat e mençur .
