Ministrja e Shtetit për Administratën Publike dhe Antikorrupsionin, Adea Pirdeni deklaroi të enjten se, ngritja e Komitetit të Përbashkët Konsultativ BE-Shqipëri, do të luajë një rol kyç në përfshirjen e shoqërisë civile në proceset integruese.
Ministrja Pirdeni ishte pjesë e delegacionit shqiptar sot në Bruksel, kryesuar nga Kryeministri Edi Rama ku u bisedua mbi ngritjen e Komitetit të Përbashkët Konsultativ BE-Shqipëri,
Pirdeni theksoi në një postim në rrjetet sociale se, ngritja e këtij Komiteti, teksa do të luajë një rol kyç në përfshirjen e shoqërisë civile në proceset integruese, konfirmon sërish se në rrugëtimin e negociatave, të gjithë aktorët shoqërorë kanë rol thelbësor për të përshpejtuar ritmet drejt Shqipërisë 2030 në Bashkimin Evropian.
/rtsh.al/
