Kanë arritur votat e para nga diaspora.
Radio Televizioni i Kosovës raporton se veturat zyrtare që transportojnë pakot me vota nga jashtë hynë nëpërmjet pikës kufitare të Vermicës.
Bëhet e ditur se veturat që po bartin votat u shoqëruan nga Policia e Kosovës në drejtim të Prishtinës, përkatësisht drejt selisë së KQZ-së, ku do të jenë nën vëzhgim nga kamerat e sigurisë.
Komisioni Qendror i Zgjedhjeve ka njoftuar se është duke vazhduar periudha e votimit përmes postës për të gjithë shtetasit e Kosovës që kanë përzgjedhur mënyrën e votimit nga jashtë Kosovës. Procesi i votimit përmes postës do të përfundojë më 8 shkurt.
Zgjedhjet parlamentare në Kosovë do të mbahen më 9 shkurt.
104.924 votues janë regjistruar për të votuar jashtë Kosovës, nga një total prej mbi 2 milionë qytetarësh me të drejtë vote që ka vendi.
/rtsh.al/
