Rusia ka deklaruar se nuk do të pranojë një kufi mbi çmimet për eksportet e saj të naftës, të miratuar nga aleatët perëndimorë. Kufiri, i miratuar të premten, synon të ndalojë vendet që të paguajnë më shumë se 60 dollarë për një fuçi naftë të papërpunuar ruse.
Masa, që do të hyjë në fuqi të hënën, intensifikon presionin perëndimor ndaj Rusisë për pushtimin.
Por zëdhënësi i Kremlinit Dmitry Peskov tha se Moska ishte përgatitur për këtë lëvizje dhe po vlerësonte opsionet e saj.
“Ne nuk do ta pranojmë këtë tavan”, tha ai.
Kufiri i çmimeve u vendos në shtator nga grupi G7 i vendeve të industrializuara (SHBA, Kanada, MB, Franca, Gjermania, Italia, Japonia dhe BE) në një përpjekje për të goditur aftësinë e Moskës për të financuar luftën në Ukrainë.
Në një deklaratë të përbashkët, G7, Bashkimi Evropian dhe Australia thanë se vendimi ishte marrë për të parandaluar Rusinë që të përfitonte nga lufta e saj.
Megjithëse masa me siguri do të ndihen nga Rusia, goditja do të zbutet pjesërisht nga lëvizja e saj për të shitur naftën në tregje të tjera si India dhe Kina, të cilat aktualisht janë blerësit më të mëdhenj të naftës së papërpunuar ruse./ BBC
/rtsh.al/
