Festim Çeltahiri e ka lidhur jetën mes Italisë dhe Shqipërisë. Përpara 3 vitesh, pas një konsulte me një mik në Itali, ai vendosi që të investonte në fshatin e lindjes, Luz i Vogël në Kavajë, në dhjetëra parcela me shegë, një iniciativë, që siç thotë, nuk ishte aspak e lehtë.
Festimi ndihmohet nga një mik i vjetër, Durimi, që merret me menaxhimin dhe prodhimin e kësaj kulture.
Pushteti vendor i qëndron pranë. Kryetari i bashkisë së Kavajës, Fisnik Qosja, i premtoi rehabilitimin e rrugës, aq i nevojshëm për biznesin e festimit.
Festimi bën thirrje që të tjerë të rinj që ndodhen në emigrim të investojnë në Shqipëri, në mënyrë që e ardhmja e bujqësisë shqiptare, por jo vetëm, të jetë më e mirë.
/RTSH/
