RTSH 24 Live

Bota

Koreja e Veriut jep alarmin, vendi pritet të përfshihet nga i ftohti ekstrem

24/01/2023

Koreja e Veriut jep alarmin, vendi pritet të përfshihet nga i ftohti ekstrem

Autoritetet e Koresë së Veriut kanë paralajmëruar për kushte ekstreme të motit në vend, pasi një valë e ftohtë do të përfshijë gadishullin Korean. Temperaturat ka të ngjarë të bien nën -30 gradë Celsius në rajonet veriore, të cilat janë gjithashtu zonat më të varfra të vendit.

Në zonat bregdetare pritet të ketë edhe erëra të forta, sipas mediave shtetërore. Edhe Koreja e Jugut ka lëshuar një paralajmërim për valë të ftohtë dhe Kina veriore ka përjetuar temperatura rekord të ulëta.

Temperaturat gjithashtu pritet të bien në nivelin më të ulët në një dekadë në Japoni këtë javë.

Ryanggang, North Hamgyong dhe South Hamgyong, provincat më të varfra të vendit dhe ato që pritet të jenë më të prekshme nga goditjet klimatike, ndodhen të gjitha në veri.

Energjia elektrike është e pazakontë jashtë kryeqytetit Phenian dhe familjet në këto vende djegin dru dhe thajnë bimë për ngrohje gjatë dimrit, ka raportuar NK Neës.

Ai gjithashtu thotë se shumë thjesht përdorin mbështjellës plastik rreth dyerve dhe dritareve të tyre për izolim.

Radio Free Asia raportoi në dhjetor se "një numër i madh" njerëzish në vend ishin zhdukur në fund të vitit të kaluar gjatë një periudhe tjetër jashtëzakonisht të ftohtë.

Shumë mendohet se kanë vdekur nga uria ose janë ngrirë, pasi merkuri u zhyt në pikën e ngrirjes dhe ushqimi u bë i pakët.