Në Qarkun e Korçës nuk ka raste të gripit të shpendëve.
Përgjegjësi i shërbimit veterinar, Demirali Latollari, ka bërë me dije se nga ana e këtij sektori, në bashkëpunim edhe me shërbimet veterinare të njësive administrative, janë mbajtur në monitorim së pari stabilimentet e shpendëve si dhe oborret e fermerëve të juglindjes së vendit.
"Kemi 5 stabilimente që mbarështojnë një numër të konsiderueshëm shpendësh për vezë dhe për mish," tregon përgjegjësi i shërbimit veterinar.
Edhe për murtajën e derrave, sipas z. Latollari, nuk ka pasur asnjë rast, edhe pse kujdesi duhet të jetë i madh shumë më tepër në oborret e fermerëve të vegjël.
"Në Qarkun e Korçës nuk kemi asnjë rast me murtajën afrikane të derrave. Kemi 5 stabilimente me një numër të konsiderueshëm derrash që përdoren për mish, plus kemi edhe një stabiliment që fut kafshë importi që theren," shton z. Latollari.
Gjatë kësaj periudhe nga ky sektor është monitoruar edhe zona e gjelbër kufitare me Greqinë, pasi në vendin fqinj ka pasur raste të evidentuara të gripit të shpendëve dhe murtajës së derrave.
Gazetare: Eftjola Fili
/rtsh.al/
