Shërbimi epidemiologjik ka përfunduar kontrollet rutinë në pishina të mbyllura në Shkodër.
Shefja e këtij shërbimi Dhurata Hysa tregon se subjektet i plotësojnë kushtet si për cilësinë e ujit në pishina e po ashtu edhe sasinë e klorit.
“Sa i përket pishinave të mbyllura, ne i kemi monitoruar para 1 muaji dhe kemi pasur rezultate pozitive, pra janë brenda kushteve të frekuentimit të tyre", tha Hysa.
Hysa thotë se gjatë muajit maj-qershor do vijojnë kontrollet edhe për pishinat e hapura.
“Tani do të fillojnë kontrollet edhe në pishina të hapura. Me shumë përgjegjësi për matjen e nivelit të infeksionit si edhe atë të klorit me qëllim që qytetarët të frekuentojnë në mënyrë të sigurtë këto pishina”, tha ajo.
Në Shkodër janë vetëm 2 subjekte që posedojnë pishina të mbyllura.
Gazetar: M Gjoni
/rtsh.al/
