Dita e dytë e Kongresit Global të Medias (GMC) i kushtoi vëmendje edukimit mediatik të studentëve, në lidhje edhe me të ardhmen dhe teknologjinë e re.
GMC vazhdoi fokusin e tij në arsimimin inovativ dhe aftësimin e profesionistëve, të cilët duhet të përfitojnë nga shkëmbimi i njohurive midis vendimmarrësve, liderëve të mendimit, ekspertëve dhe profesionistëve në tendencat që formësojnë të ardhmen e sektorit.
GMC mirëpriti gjithashtu një grup të larmishëm studentësh nga 100 universitete që ndjekin interesat e tyre në këtë sektor.
Me pjesëmarrës nga qeveria, media, sektorët akademikë dhe industrisë, Kongresi Global i Medias po pret një program të nivelit të lartë të folësve, panelistëve dhe diskutantëve, të cilët komentojnë dhe diskutojnë një sërë sfidash në zhvillim dhe potencialet e plota të zhvillimit të ardhshëm të industrisë së medias.
Gjithashtu, një ekspozitë në këtë kongres paraqet markat kryesore ndërkombëtare dhe vendase që shfaqin dhe demonstrojnë teknologjinë, produktet dhe shërbimet më të fundit të fokusuara në media.
Startup-e të reja inovative po marrin pjesë në këtë ekspozitë, që ka një sërë platformash, përfshirë skena të drejtpërdrejta dhe laboratorë mediatikë, për të lehtësuar partneritetet tregtare midis kompanive të teknologjisë dhe mediave.
( Sipas ATSH )
/ rtsh.al /
