Shtetet e Bashkuara dhe Britania e Madhe kanë nisur sulmet në disa pjesë të kontrolluara nga Houthi të Jemenit, duke përfshirë kryeqytetin e tij Sanaa dhe aeroportin Hodeidah. Sulmet kanë pasur në shënjestër edhe jugun e qytetit Dhamar.
Nga ana tjetër, militantët Houthi të mbështetur nga Irani kanë nisur sulme ndaj anijeve ndërkombëtare pranë Jemenit që nga nëntori i kaluar në solidaritet me palestinezët në luftën e Izraelit me Hamasin.
Sulmet e Houthis kanë qenë sulme hakmarrëse ndaj SHBA-së dhe Britanisë së Madhe dhe kanë ndërprerë tregtinë globale, pasi pronarët e anijeve i ndryshojnë trajektoren duke mbajtur larg anijet në Detin e Kuq dhe Kanalin e Suezit për të lundruar në rrugën më të gjatë rreth pjesës jugore të Afrikës.
Nga ana e tyre, rebelët e Houthis pretendojnë se kanë sulmuar një cisternë britanike të naftës në Detin e Kuq.
Sulmi ndodhi rreth 110 km larg qytetit port të Hodeidah, në Jemen, dhe ka shënjestruar cisternës së naftës me flamurin e Panamasë.
Rebelët Houthi të Jemenit të lidhur me Iranin morën përsipër sulmin, duke thënë se cisterna u godit me tetë raketa balistike.
Një anije e dytë me destinacion Suezin, me flamur të Liberisë, u dëmtua pasi u godit nga një raketë rreth 97 milje detare në veriperëndim të Hodeidah.
Të dy anijet raportuan se ekuipazhet e tyre ishin të sigurta. Sulmet ishin sulmet e para të rebelëve ndaj anijeve tregtare në javë pasi lufta midis Izraelit dhe Libanit rrezikon të shpërthejë në një luftë më të gjerë rajonale.
Sulmi erdhi gjithashtu pasi Houthi-t kërcënuan "përshkallëzimin e operacioneve ushtarake" kundër Izraelit të hënën teksa forcat e tij rrëzuan një dron ushtarak amerikan që fluturonte mbi Jemen.
/rtsh.al/
