Një veliere e mbushur me armë e municion luftarak është gjendur në fshatin Karpen të Kavajës këtë të enjte (12 shtator). Policia bën me dije se mjeti u konstatua teksa bënte lëvizje të pakontrolluara, ndërsa më pas kishte ngecur në rërë, disa metra larg bregut.
Sipas policisë, dyshohet se drejtuesi i velieres mund të ketë rënë në det, për shkak të dallgëve të larta të shkaktuara nga moti i keq.
Paraprakisht rezulton se mjeti lundrues ishte nisur nga Bari, Itali, me drejtim Kroacinë.
Gjatë kontrollit në veliere, janë gjetur dhe sekuestruar 1 armë zjarri pistoletë tip “Walther”, 1 krehër pistolete, municion luftarak, 2 celularë, 1 laptop dhe dokumentet e mjetit lundrues.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
/rtsh.al/