28 vite e tetë muaj burg kërkoi Prokuroria e Posaçme për 5 të pandehurit e atentatit ndaj ish- prokurorit Arjan Ndoja, ngjarje e vitit 2019 e regjistruar te mbikalimi i Shkozetit.
Mes të pandehurve, për Ramazan Rrajën u kërkua 7 vite e katër muaj burg.
Ndërsa kushëriri i tij Redjan Rraja është dënuar më herët nga Gjykata me burgim të përjetshëm si ekzekutor në këtë ngjarje ku mbeti i plagosur i forti i Sukthit, Landi Muharremi, prokurori Ndoja dhe u vra shoferi i tij Andi Maloku.
Për të njëjtën ngjarje u dënua me 35 vite edhe Arjol Halilajn, i cili ka pasur rolin e ndihmësit për të larguar autorët nga vendi i atentatit.
SPAK doli në konkluzionin se shënjestër e atentatit ishte i forti i Sukthit Landi Muharremi, dhe vrasja është porositur si hakmarrje nga Plautent Dervishaj, ky i fundit i ekstraduar në Shqipëri nga Dubai edhe për disa ngjarje të tjera kriminale.
Gazetar: Kreshnik Mersinllari
/rtsh.al/
