Ka qenë dhe mbetet vatra e dijes dhe krenaria e Gjirokastrës. Edhe për vitin 2023-2024 gjimnazi “Asim Zeneli” është renditur i pari mes institucioneve arsimore të zyrës vendore arsimore Gjirokastër Libohovë. Drejtoresha e shkollës Alma Shehu, thotë se është fryti i një pune që tregon për një bashkëpunim të mirë mes disa aktorëve.
“Karta e Performancës e cila organizohet dhe plotësohet çdo vit , ka disa tregues mbi bazën e ti cilave në mënyrë elektronike çdo shkollë i plotëson dhe i përcjell tek zyra arsimore. Sigurisht që këto tregues bazohen në punën një vjeçare të çdo institucioni siç është realizimi i objektiva që ka vendosur shkolla”, u shpreh Alma Shehu, drejtoresha e shkollës "Asim Zeneli", Gjirokastër.
Shehu, del jashtë institucionit që ajo drejton duke sjellë në vëmendje edhe faktin se 5 maturantë këtë vit fituan të drejtën e studimit për mjekësi që në raundin e parë.
Është i disati vit që gjimnazi Asim Zeneli renditet i pari në kartën e performancës, ndërkohë që 2 herë brenda tre viteve të fundit ka qenë pjesë e 10 shkollave më të mira, për sa u përket rezultateve të maturës shtetërore.
/RTSH/
