Ministri i Mbrojtjes i Izraelit, Yoav Gallant, thotë se personaliteti i lartë i Hezbollahut, Hashem Safieddine, "ndoshta" u vra në një sulm javën e kaluar.
U përfol se Safieddine mund të ishte udhëheqësi i ardhshëm i grupit, pasi kushëriri i tij dhe ish-udhëheqësi - Hassan Nasrallah - u vra muajin e kaluar në një sulm ajror izraelit. Mediat amerikane raportuan se Safieddine ishte vrarë në bombardimet izraelite në Bejrut, por nuk është konfirmuar.
Gjatë një takimi informues me Forcat e Mbrojtjes të Izraelit, Gallant tha gjithashtu se forcat e Hezbollahut janë bërë "të çoroditura dhe janë dobësuar" që nga vrasja e Nasrallah - diçka që Hezbollahu e mohoi më parë. Hezbollahu nuk ka komentuar vendndodhjen e Safieddine që nga sulmet.
/rtsh.al/