Shumë shtete amerikane, duke përfshirë Kaliforninë dhe Nju Jorkun, po padisin “Meta Platforms Inc” për dëmtim të shëndetit mendor të të rinjve dhe kontribuar në krizën e shëndetit mendor të tyre duke krijuar me vetëdije funksione në Instagram dhe Facebook që i bëjnë fëmijët te varen ne këto platforma.
Padia e ngritur në gjykatën federale në Kaliforni pretendon gjithashtu se Meta mbledh në mënyrë rutinore të dhëna për fëmijët nën 13 vjeç pa pëlqimin e prindërve të tyre, në kundërshtim me ligjin federal.
“Meta ka shfrytëzuar teknologji të fuqishme dhe të paprecedentë për të joshur, angazhuar dhe përfundimisht në grackë të rinjtë dhe adoleshentët. Motivi i saj është fitimi dhe në përpjekje për të maksimizuar përfitimet financiare, Meta ka mashtruar vazhdimisht publikun për rreziqet thelbësore të platformave të saj të mediave sociale. Ka fshehur mënyrat në të cilat këto platforma shfrytëzojnë dhe manipulojnë konsumatorët e saj më të cenueshëm: adoleshentët dhe fëmijët”, thuhet në ankesë.
Përveç 33 shteteve dhe nëntë prokurorë të tjerë të përgjithshëm janë duke paraqitur në shtetet e tyre përkatëse, duke e çuar numrin e përgjithshëm të shteteve që marrin masa në 42.
“Fëmijët dhe adoleshentët po vuajnë nga nivele rekord të shëndetit të dobët mendor dhe fajin e kanë kompanitë e mediave sociale si Meta. Meta ka përfituar nga dhimbja e fëmijëve duke i dizajnuar qëllimisht platformat e saj me karakteristika manipuluese që i bëjnë fëmijët të varur nga platformat e tyre, ndërkohë që ulin vetëbesimin e tyre”, tha në një deklaratë Prokurorja e Përgjithshme e Nju Jorkut Letitia James.
Përdorimi i mediave sociale tek adoleshentët është pothuajse universal në SHBA dhe në shumë pjesë të tjera të botës. Deri në 95% e të rinjve të moshës 13 deri në 17 vjeç në SHBA raportojnë se përdorin një platformë të mediave sociale, me më shumë se një e treta që thonë se përdorin mediat sociale "pothuajse vazhdimisht", sipas Qendrës Kërkimore Pew./AP/
/rtsh.al/
