I kthyer nga emigracioni ku ka jetuar prej vitesh, Selami Baloshi nga Ploshtani i Kalasë së Dodës me zanat gdhendës druri vendos të kthehet në vendlindje e të investojë në natyrën e gjelbër, tërheqëse.
Frekuentimi i lartë nga të huajt dhe vendas kanë bërë që Selamiu të zgjerojë ambientin, duke ndërtuar dhe bujtina.
Baloshi thotë që ky vit numri i turistëve është rritur ndjeshëm në krahasim me vitet e shkuara. “Këtë vit numri i turistëve ka qenë shumë më i lartë, edhe gjatë periudhës së dimrit", tha ai.
Angazhimi i të gjithë familjes dhe vullneti për të punuar në vendin tënd sipas Selamiut është gjëja e duhur.
Vëmendja drejt investimit të fshatrave po kthehet çdo vit e më shumë, e kjo vjen falë infrastrukturës dhe frekuentimit nga turistët.
/rtsh.al/
