Unazat olimpike, një nga simbolet më ikonike në botë dhe të parë në ceremoninë e mbylljes së Lojërave Olimpike - u krijuan nga Pierre de Coubertin, themeluesi i diskutueshëm i Lojërave moderne.
Ai prezantoi dizajnin në vitin 1913 dhe unazat u prezantuan për herë të parë para publikut në Kongresin Olimpik në Paris në 1914, duke shënuar 20 vjetorin e Lëvizjes Olimpike.
Coubertin i projektoi unazat për të përfaqësuar unitetin e pesë rajoneve kryesore të botës - Afrikës, Amerikës, Azisë, Evropës dhe Oqeanisë - që ishin të bashkuar nën idealet olimpike të paqes dhe konkurrencës miqësore. Ngjyrat e unazave - blu, e verdhë, e zezë, jeshile dhe e kuqe - së bashku me sfondin e bardhë u zgjodhën sepse çdo flamur kombëtar në botë në atë kohë përmbante të paktën një nga këto ngjyra, duke e bërë simbolin universalisht gjithëpërfshirës. Unazat e ndërlidhura simbolizojnë bashkimin e atletëve nga e gjithë bota në një frymë respekti dhe uniteti të ndërsjellë.
/rtsh.al/
