Çdo kush që udhëton nga Tepelena drejt Këlcyrës nuk mund të mos ndaloj dhe të shijoj bukuritë natyrore që ofron Gryka e Këlcyrës. Janë të shumtë ata që zgjedhin këtë vend piktoresk për të pushuar.
Valentin Çoli shprehet se ndihen me fat që administron një bar restorant në këtë zonë, zonë e cila sipas tij nga viti në vit po njeh hov të zhvillimit të turizmit.
“Ne kemi pasur shumë turistë, ky vit edhe më shumë. Po përpiqemi që të ofrojmë shërbim sa më të mirë, të kënaqim turistët. Përdorim më së shumti produkte dhe prodhime vendi. E ndjemë veten me fat që jemi buzë lumit Vjosë. Natyra është shumë e mirë, qetësi dhe ajër i pastër”.
Gryka e Këlcyrës e njohur si parajsa e burimeve të shumta ujore është një destinacion ideal në të gjitha stinët e vitit.
Gazetare: L. Koçiu
/rtsh.al/
