Seanca e gjyqit të kësaj të marte (18 shkurt) që po mbahet në Gjykatën Speciale të Hagës kundër Hashim Thaçit, Kadri Veselit, Jakup Krasniqit dhe Rexhep Selimit u ndërpre për disa minuta.
Shkak, mungesa e pranisë së ish-presidentit Thaçi, i cili raportohet të ketë disa probleme mjekësore.
Që në nisje të seancës, avokati i ish-presidentit, Luka Misetiç tha se klienti i tij nuk ndihej mirë dhe nuk mund të merrte pjesë në seancë.
Megjithatë, seanca vijoi pasi Misetic bëri me dije se Thaçi kishte nënshkruar një leje për vijimin e saj pavarësisht se vetë nuk do të ishte i pranishëm.
Seanca ku po dëshmon dëshmitari i radhës i Prokurorisë kundër ish-krerëve të UÇK-së, me urdhër të trupit gjykues po vazhdon të mbahet pas dyerve të mbyllura.
Procesi gjyqësor ndaj tyre nisi në prill të vitit 2023 ndërsa të katërt ish-krerët e UÇK-së, ndaj të cilëve janë ngritur akuza për krime lufte, vijojnë të jenë të ndaluar në qendrën e paraburgimit të Hagës që nga nëntori i vitit 2020.
Ish-krerët e UÇK-së janë deklaruar të pafajshëm për të gjitha pikat e aktakuzë.
/rtsh.al/
