Gjirokastra ndez dritat e pemës së krishtlindjeve në sheshin “Cerciz Topulli”. Ishin kryetari i bashkisë Flamur Golemi dhe ministrja e turizmit Mirela Kumbaro që në këtë mbrëmje që startoi periudhën festive përshëndetën dhe përcollën urimet për dhjetëra qytetarë e vizitorë që u bënë pjesë e kësaj ceremonie.
Ishin fëmijët ata që iu gëzuan më së shumti kësaj atmosfere festive, të cilët ndoqën me kërshëri shfaqjen e cirkut nga mjeshtri Mico Kasapi, koncertin e organizuar nga qendra kulturore “Fato Berberi” dhe muzikën e “Hot Stuff Band”.
Sheshi “Cerciz Topulli”, do të jetë vendi ku përgjatë muajit dhjetor do të presë mjaft aktivitete për të argëtuar jo vetëm banorët e saj, por edhe turistë që do ta zgjedhin si destinacion këtë periudhë festash.
Gazetare Y.Ponde
/rtsh.al/
