Kryetarja e Kuvendit, Elisa Spiropali, ka zhvilluar një vizitë në Gërdec, ku ka zhvilluar një takim me familjen Deda, e cila e ngriti sërish biznesin e saj nga hiri i shkaktuar nga tragjedia e Gërdecit.
Nëpërmjet një postimi në rrjetet sociale, Spiropali thekson se “familjen e madhe Deda është model i forcës, punës dhe përkushtimit”.
“Prej shpërnguljes nga Puka në 2006-ën, deri tek rrafshimi i biznesit të tyre të përpunimit të drurit dhe prodhimit të mobiljeve në tragjedinë e Gërdecit, ata kanë tejkaluar çdo sfidë me kurajo, duke rindërtuar ekonominë në përpunimin e mermerit, gurëve dekorativë dhe kromit. Një rrugëtim që frymëzon për ringritje dhe dëshirë për të ecur gjithmonë përpara!”, shkruan Spiropali.
/rtsh.al/
