Këshilli i Lartë i Prokurorisë (KLP), pas seancave plenare, me pjesëmarrjen edhe të EU 4 JUSTICE dhe Ministrisë së Drejtësisë, i hapi rrugën plotësimit të vakancave në gjashtë prokurori të vendit.
Sipas njoftimit për shtyp, mbledhja ka nisur me miratimin unanim të renditjes së kandidatëve në garë për pozicionet vakante Nr.1 dhe Nr. 2, në Prokurorinë e Tiranës, sipas procedurës së transferimit nëpërmjet lëvizjes paralele. Për të dyja këto vakanca renditja e kandidatëve rezultoi si vijon:
- Vitjuna Mata
- Gentian Habazaj
- Blerta Hamza
KLP-ja, pasi u njoh me relacionin e përgatitur nga Komisioni i Zhvillimit të Karrierës, miratoi projekt-aktin për plotësimin e vakancave në prokuroritë e juridiksionit të përgjithshëm, si më poshtë:
- Prokuroria Durrës, 5 vende
- Prokuroria Elbasan, 5 vende
- Prokuroria Tiranë, 10 vende
- Prokuroria Shkodër, 2 vende
- Prokuroria Fier, 1 vend
- Prokuroria e Apelit, 3 vende
“Në vijim, Këshilli miratoi unanimisht komandimin e prokurores Pranvera Gruda si Këshilltare Ligjore pranë Këshillit të Lartë të Prokurorisë. Gjatë kësaj mbledhjeje u miratua fillimi i procedurave të verifikimit të pasurisë dhe figurës për 26 (njëzet e gjashtë) kandidatët për magjistratë prokurorë, të cilët do të diplomohen në vitin akademik 2024-2025. Me fillimin e procedurave u hodh edhe shorti për caktimin e relatorit përkatës.”, thuhet në njoftim.
Lista e kandidatëve dhe relatorët përkatës:
- Alba Meta – M. Duda
- Anisa Gju – M. Duda
- Anxhela Dake – M. Duda
- Blerina Karaj – M. Duda
- Brikena Mile – E. Mërkuri
- Bruno Stërmasi – E. Mërkuri
- Denada Xhera – E. Mërkuri
- Elda Goxhaj – E. Mërkuri
- Elida Gradovari – O. Eminaj
- Elisa Çela – E. Mërkuri
- Enkelana Shala – O. Eminaj
- Eva Zeneli – O. Eminaj
- Fabiola Laha – O. Eminaj
- Gerando Skreli – M. Duda
- Irma Velo – O. Eminaj
- Ismet Dervishi – E. Mërkuri
- Iva Hoxha – M. Duda
- Klejdi Mullaj – M. Duda
- Lixhers Mali – O. Emini
- Malbora Dinaj – E. Mërkuri
- Marilda Frashëri – E. Mërkuri
- Masila Lulaj – O. Eminaj
- Miklevana Qema – O. Eminaj
- Roland Paja – E. Mërkuri
- Skerdi Sinanaj – M. Duda
- Teuta Pisku – M. Duda
Pasi u njoh me relacionin e përgatitur, Këshilli miratoi përfundimin e procedurës së verifikimit të pasurisë dhe figurës të prokurores Dhorina Theodhori, kandidate për pozicionin e drejtuesit të Prokurorisë pranë Gjykatës së Shkallës së Parë të Juridiksionit të Përgjithshshëm, Korçë.
Gjithashtu, Këshilli miratoi edhe veprimtarinë jashtë funksioni për prokurorin Eni Çulli.
“Në përfundim, u paraqitën përpara Këshillit edhe Raportet Vjetore për vitin 2024, për Komisionin e Disiplinës, Komisionin e Vlerësimit të Veprimtarisë Etike dhe Profesionale dhe Komisionin e Planifikimit Strategjik, i Administrimit dhe Buxhetit.”, njofton KLP-ja.
