Shumë banorë në Durrës kanë protestuar duke kërkuar të hyjnë në banesat e reja të rindërtuara pas tërmetit. 135 familje edhe pse i kanë marrë çelësat e apartamenteve të reja që nga muaji qershor, ende nuk kanë mundur të hyjnë në shtëpitë e reja.
Në anën tjetër banorët shprehen se , prej rreth dy vitesh nuk marrin bonusin e strehimit, për të paguar qiranë. Ata kërkojnë zgjidhje të menjëhershme
Banorët shprehen të pakënaqur nga punimet e kryera madje thonë se rreth 50% të tyre i kanë kryer vetë.
Pallatet e rindërtuar në Durrës pas tërmetit , ndodhen në lagjen numër 17 të qytetit bregdetar, në rrugët "Lura" dhe "Ahmet Dakli".
Ndërkohë, burimet zyrtare nga Bashkia e Durrësit bën me dije se brenda pak ditëve do të mundësohet lidhja e energjisë elektrike për kompleksin e banimit dhe 135 familjet përfituese do të futen në apartamentet e reja.
/rtsh.al/
