RTSH 24 Live

Coronavirus

Covid/ Dita e 26 pa asnjë humbje jete, 34 të infektuar në 24 orët e fundit

22/07/2021

Covid/ Dita e 26 pa asnjë humbje jete, 34 të infektuar në 24 orët e fundit

Është rritur lehtë numri i rasteve të reja me COVID në vend, ku në 24 orët e fundit janë regjistruar 34 raste infeksionesh. Me anë të një njoftimi për mediat, Ministria e Shëndetësisë bën me dije se nuk është regjistruar asnjë viktimë, duke shkuar kështu në 26 ditë pa viktima nga COVID në vendin tonë. 

Sipas të dhënave të Ministrisë, vetëm Qarku i Dibrës rezulton aktualisht pa asnjë të infektuar me Covid, ndërsa virusi është rikthyer në 11 qarqet e tjera. Aktualisht janë 232 pacientë aktivë.

Ministria ju bën apel qytetarëve të vaksinohen për t’u mbrojtur nga Covid19, në çdo qendër shëndetësore dhe pikë vaksinimi kudo në vend. Shfrytëzoni ditët e hapura të vaksinimit deri të dielën, për t’u vaksinuar pa kufizim, nëse jeni mbi 18 vjeç.

Ministria e Shëndetësisë ju rikujton të gjithë qytetarëve rëndësinë e zbatimit me përpikmëri të rregullave për parandalimin e COVID19 dhe apelon të mos neglizhoni asnjë shenjë të sëmundjes. Për çdo dyshim, kontaktoni me mjekun tuaj të familjes për t’u testuar ose telefononi Urgjencën Kombëtare në numrin unik 127.

Ju informojmë për situatën në 24 orët e fundit, si vijon:

Janë kryer 3348 testime, nga të cilat kanë rezultuar pozitivë me Covid19, 34 qytetarë, në këto bashki: 7 raste në Tiranë, 5 në Sarandë, nga 3 raste në Elbasan, Kukës, nga 2 raste në Has, Berat, Pogradec, Poliçan, Konispol, nga 1 rast në Durrës, Fier, Korçë, Lezhë, Shijak, Skrapar.
Aktualisht janë 232 pacientë aktivë me COVID19 në të gjithë vendin.
Në Spitalin Infektiv po marrin trajtim spitalor të specializuar 5 pacientë.
Në 24 orët e fundit nuk ka asnjë humbje jete me Sars-Cov2 pozitiv.
Janë shëruar 12 qytetarë gjatë 24 orëve të fundit, duke e çuar numrin e të shëruarve në 130,109 që nga fillimi i epidemisë.

Statistika (22 Korrik 2021)

Raste të reja ditore 34
Të shëruar në 24 orë 12
Të shtruar në spitale 5
Humbje jete në 24 orë 0
Testime ditore 3348

Testime totale 868,822

Raste pozitive 132,797
Raste të shëruara 130,109
Raste Aktive 232
Humbje jete 2,456

Shpërndarja gjeografike e rasteve aktive sipas qarqeve:

Tiranë 93
Vlorë 25
Durrës 22
Kukës 21
Elbasan 18
Shkodër 14
Lezhë 14
Fier 12
Korçë 7
Berat 5
Gjirokastër 1