Drejtori i CIA-s Bill Burns pritet të mbërrijë në Egjipt ditën e sotme teksa vijojnë negociatat për një armëpushim dhe marrëveshje të pengjeve në Gazë.
Referuar propozimit që është diskutuar nga Shtetet e Bashkuara, Izraeli dhe Katari ditët e fundit përfshin një armëpushim njëmujor në këmbim të lirimit të disa pengjeve, sipas burimeve të njohura me diskutimet.
Megjithatë, nuk bëhet e ditur se sa pengje apo të burgosur palestinezë do të lirohen. Armëpushimi i përkohshëm pritet të jetë më i shkurtër se faza e parë gjashtë-javore që ishte diskutuar më parë përpara se bisedimet të shpërbëheshin, thanë dy burime të njohura me bisedimet.
Negociatorët e Katarit, të cilët së bashku me Egjiptin janë bashkëbiseduesit kryesorë me Hamasin, aktualisht po diskutojnë propozimin e kufizuar me Hamasin.
Të dielën, Burns ishte në Doha për t'u takuar me drejtorin izraelit të Mossad-it, David Barnea dhe kryeministrin e Katarit, Mohammed bin Abdulrahman al Thani, në një përpjekje për të ringjallur diskutimet e armëpushimit pas vdekjes së Yahya Sinëar, për të cilën zyrtarët amerikanë kanë argumentuar se duhet të jetë një pikë kthese në Lufta e Gazës.
/rtsh.al/
