Biden dhe gruaja e tij, Jill, hipën në një helikopter ushtarak në ambjentet e Kapitolit pasi Trump u betua në detyrë. Biden do të shkojë në bazën e përbashkët Andrews për një ceremoni lamtumire me ish-anëtarët e stafit të tij. Më pas ai do të fluturojë me një aeroplan ushtarak në Santa Ynez, Kaliforni, për t'u çlodhur me familjen e tij.
Ish-presidenti Joe Biden ofroi edhe një reagim të shkurtër ndaj fjalimit inaugurues të Presidentit Donald Trump të hënën në fjalimin e tij të parë si ish-president.
“Ne kemi shumë më tepër për të bërë. Ne dëgjuam fjalimin inaugurues sot - e dini, ne kemi shumë më tepër për të bërë," tha ai, para turme ish ndihmësish në një hangar të bazës së përbashkët Andrews.
Biden i tha turmës se "po largohet nga detyra, por ne nuk po e lëmë luftën", duke i bërë thirrje atyre që "të qëndrojnë të angazhuar në të gjitha mënyrat që mundeni".
Duke qëndruar përkrah ish-zonjës së pare, Jill Biden, ish-presidenti shprehu mirënjohjen e tij për ekipin e tij.
“Asnjë president nuk mund të zgjedhë momentin kur do të hyjë në histori. Por ata duhet të zgjedhin ekipin me të cilin hyjnë. Dhe ne zgjodhëm skuadrën më të mirë në botë,” tha ai, duke kërkuar nga ata t;i shikojnë katër vitet e fundit me “krenari”.
Biden tha se ishte "nderi i jetës sime të shërbeja si presidenti juaj" dhe ofroi këndvështrimin e tij se si do të shikohet presidenca e tij me një mandat: "Shënoni fjalët e mia: e ardhmja do të gjykojë atë që keni bërë si një nga kontributet më të rëndësishme që janë bërë nga e gjithë Amerika.”
"Faleminderit, Joe," brohoriti turma.
Bidens kaluan pistën dorë për dore dhe hipën në Missionin Special Air 46 për një fluturim në Santa Ynez, Kaliforni.
/rtsh.al/
