Një akt terrorizimi e ka konsideruar Kryetari i Partisë Demokratike zgjedhur nga procesi i Rithemelimit, Sali Berisha, aplikacioni ‘Aktivisti’ të Partisë Socialiste. Për Berishën, aplikacioni terrorizon punonjësit e administratës, ndërsa ka bërë thirrje themeluesit të Facebook, Mark Zuckerberg dhe pronarit të Twitter, Elon Musk që të bllokojnë këtë aplikacion.
“Aplikacioni i terrorizmit digjital. Që të mbash një aplikacion të tillë në media sociale është akt i terrorizmit digjital. I bëj thirrje Musk dhe Zuckerberg të bllokojë këtë aplikacion, të shkëpusë çdo lloj lidhje. Aplikacion që terrorizon një ushtri i të tërë punonjës”, tha Berisha.
Berisha u ndal edhe tek deklarata e ambasadorit britanik Alastair-King Smith i cili ka deklaruar se çdo emigrat i paligjshëm do të riatdhesohet. Berisha akuzon ambasadorin se sëbashku me qeverinë, janë fajtorë të dramës dramës që zhvillohet në La Mansh.
“Shqiptarët po kalojnë La Manshin. I them këtu ambasadorit Alastair-King Smith, korrupsioni yt me qeverinë është një nga shkaqet e dramës që zhvillohet në La Mansh dhe ftoj aktivitete britanike ta vijnë ta studiojnë këtu.
Si ka mundësi, një pjesë e shoqërisë që persekutohet, një pjesë e shoqërisë që mezi siguron jetesën, një pjesë e shoqërisë që përpiqet të qëndrojë për idealet demokratike dhe mbrohet me çdo çmim një qeveri gansterësh, hajdutësh, kriminelësh që dalin në regjistra edhe vrasës, trafikantë etj. Si ka mundësi kjo. Janë këto parimet e vendeve të lira? Jo nuk janë. Nuk ka vende të lira që i lejon këto.
Janë parime të mafiozëve të këtyre vendeve. Mirëpo këto i ka paguar partia, i ka paguar opozita në Shqipëri. E paimagjinueshme të vërsulen ndaj popullit opozitar që në fund të fundit, në çdo vend, është pushteti moral. Leksioni shqiptar është unik dhe duhet të bëjë krenarë çdo demokrat e demokrate që qëndroi dhe u ngrit. Por pse u ngrit, u ngrit për idealet që kanë këta njerëz, që keni ju, sepse ju mund të vazhdonit në atë kënetën që po na zhysnin, por këtë nuk e pranuat ju.
Qeveria e shndërroi Shqipërinë në Kolumbinë e Europës, demokratët duhet të hanin bar. Por pse kjo? Korrupsioni sepse McGonigal nuk është fenomen i izoluar. Ajo fuqi korruptive e Edi Ramës, nuk veproi vetëm tek McGonigal, por veproi tek diplomatët, europarlamentarët, zyrtarë të tjerë, që i merr së bashku me përfaqësues të Sinaloas dhe i fut në zyrë” , tha Berisha.
/rtsh.al/
