Bashkimi Evropian ngriu asetet dhe vendosi ndalesa të udhëtimit për disa individe dhe kompani, që akuzohen se po ndihmojnë financiarisht Hamasin, grupin palestinez të shpallur organizate terroriste nga Shtetet e Bashkuara dhe blloku evropian.
Deri më tani, blloku evropian ka vendosur në listën e zezë 12 individe dhe tri entitete për shkak të lidhjeve të tyre me këto dy grupe. Sipas njoftimit të BE, në mesin e kompanive të sanksionuara është edhe firma spanjolle e pronave të patundshme, "Al Zavaja Group", dhe dy të tjera me bazë në Sudan. Por sansksionet evropiane kane shenjestuar edhe kreun e Hamasit që bën transferimin e parave nga Irani, por edhe Ali Morshed Shirazi, oficer i lartë i Gardes Revolucionare Islamike te Iranit, i cili mbikqyr raportet mes grupeve palestineze dhe Teheranit.
Ky është rundi i dytë i sanksioneve që ka vendosur BE ndaj Hamasit dhe grupit palestinez, Xhihadi Islamik Palestinez, pasi ata sulmuan Izraelin më 7 tetor. Edhe në muajin prill BE sanksionoi katër kolonë “ekstremiste” izraelite dhe dy grupe lidhur me dhunën kundër palestinezeve në Bregun Perendimor.
Gazetare Melisa Shameti
/ rtsh.al /