Partia nacionaliste e ekstremit të djathtë të Francës ”Rally National” ( Tubimi Kombëtar ) tashmë ka një ekip ministrash dhe është gati të marrë përsipër qeverinë, tha ish-liderja e saj, Marine Le Pen.
“Kjo qeveri do të jetë e plotë, do të jetë kompetente, do të përbëhet nga njerëz nga Tubimi Kombëtar, nga njerëz që luftuan fushatën zgjedhore me ne dhe nga njerëz të shoqërisë civile”, tha Le Pen në një intervistë.
Politikania nacionaliste 55-vjeçare i është përgjigjur pretendimeve se partia e saj nuk ka staf të mjaftueshëm për të qeverisur.
Le Pen ka deklaruar se nuk dëshiron të marrë pjesë vetë në qeveri, por se ”është e gatshme të marrë presidencën e grupit parlamentar të Asamblesë Kombëtare”.
”Tubimi Kombëtar dëshiron të qeverisë me një shumicë të qartë në parlament. Ne nuk mund të pranojmë të shkojmë në qeveri nëse nuk dimë si të veprojmë. Ne duam të qeverisim që gjërat të jenë të qarta”, shtoi ajo.
/ rtsh.al /
