Bashkimi Evropian njoftoi sanksione të reja ndaj Iranit për furnizimin me raketa balistike për Rusinë. Ndërkohë, Ukraina tha se operativët e saj shkatërruan një avion transporti armik thellë brenda Rusisë.
Ministrat e Jashtëm të Bashkimit Evropian në takimin në Luksemburg kanë miratuar sanksione kundër Teheranit për furnizimin me raketa të forcave të Moskës në Ukrainë.
Sanksionet synojnë bizneset dhe njerëzit e përfshirë në programin e raketave balistike të Iranit , si dhe ata të përfshirë në dërgimin e pajisjeve ushtarake në Rusi.
Brukseli e ka paralajmëruar disa herë Iranin kundër dërgimit të raketave balistike në Rusi dhe e sheh zhvillimin e supozuar si shkelje të një tabuje të re.
Irani ka mohuar fuqimisht furnizimin e Rusisë me armë.
Irani thotë se edhe pse ka një bashkëpunim strategjik me Moskën, kjo nuk ka të bëjë me luftën në Ukrainë. Ajo pohon se dhënia e ndihmës ushtarake për palët ndërluftuese është çnjerëzore.
/rtsh.al/
