Ish-zëvendëskryeministri i Maqedonisë së Veriut, Artan Grubi shpallet 'Non Grata" nga Shtetet e Bashkuara të Amerikës.
Departamenti Amerikan i Shtetit ka publikuar listën e zezë ku nga Maqedonia e Veriut ka shtuar Artan Grubin, ish-zëvendëskryeministër nga radhët e BDI-së, si dhe Enver Bexhetin, gjyqtar në Gjykatën e Apelit të Maqedonisë së Veriut.
Në njoftimin zyrtar thuhet se në bazë të nenit 7031, Departamenti i Shtetit cakton publikisht Artan Grubin dhe Enver Bexhetin për përfshirjen e tyre në korrupsion të konsiderueshëm duke pranuar ryshfet për të minuar proceset gjyqësore të lidhura me dënimin penal të Sasho Mijallkov, drejtor i Drejtorisë për Siguri të Maqedonisë së Veriut dhe Kundërzbulimi.
Mijalkovi është gjithashtu në listën e zezë të SHBA-së që nga viti 2022.
DASH bënë të ditur se në kuadër të këtij aksioni në listën e zezë janë futur dhe anëtarët e familjes së ngushtë të Artan Grubit.
/rtsh.al/
