Një person i shpallur në kërkim për trafik droge është arrestuar fare pranë godinës së SPAK ditën e djeshme (2 korrik). Prokuroria e Posaçme bën me dije se në pranga ka rënë personi me inicialet I.S., i cili akuzohet se është drejtuesi dhe financuesi i një grupi kriminal shqiptaro-gjerman që merrej me trafikun e drogës.
Sipas SPAK, përmes një hetimi të përbashkët me autoritetet gjermane, u zbulua aktiviteti i grupit kriminal prej 12 personave, 8 prej të cilëve shqiptarë dhe 4 gjermanë.
Gjatë viteve 2020-2021, ata kanë importuar në Gjermani sasi të konsiderueshëm Në total ata kanë trafikuar 912 kg kanabis me vlerë prej 3.374.400 euro.
SPAK bën me dije se hetimet vazhdojnë me administrimin e provave sa i përket implikimit të personave të tjerë që dyshohet se janë të përfshirë në këtë veprimtari të paligjshme kriminale.
/rtsh.al/