Argjentina ka njoftuar se do të tërhiqet nga Organizata Botërore e Shëndetësisë (OBSH), duke pasqyruar një lëvizje të ngjashme të presidentit amerikan Donald Trump muajin e kaluar.
“Presidenti (Javier) Milei udhëzoi (ministrin e Jashtëm) Gerardo Werthein të tërheqë pjesëmarrjen e Argjentinës në Organizatën Botërore të Shëndetësisë”, tha zëdhënësi presidencial Manuel Adorni në një konferencë shtypi të mërkurën.
“Ne argjentinasit nuk do të lejojmë që një organizatë ndërkombëtare të ndërhyjë në sovranitetin tonë, aq më pak në shëndetin tonë”, shtoi ai.
Trump njoftoi në ditën e tij të parë të kthimit në Shtëpinë e Bardhë në janar se po tërhiqte Shtetet e Bashkuara nga OBSH, duke marrë kritika nga ekspertët e shëndetit publik. CNN
/rtsh.al/
