Pas tetë vite përpjekjesh ligjore dhe tensionesh publike, aktorët e famshëm Angelina Jolie dhe Brad Pitt kanë arritur një marrëveshje përfundimtare për divorcin e tyre. Lajmi është konfirmuar nga avokati i Jolie, i cili theksoi se çifti ka gjetur një zgjidhje pas betejës së gjatë ligjore.
Jolie dhe Pitt u martuan në vitin 2014 dhe kanë gjashtë fëmijë së bashku. Ata i filluan procedurat e divorcit në vitin 2016.
Në atë kohë, Jolie bëri kërkesë për divorc duke përmendur "dallimet e papajtueshme", që çuan në një luftë të gjatë ligjore, veçanërisht për kujdestarinë e fëmijëve.
Pas disa viteve me tensione dhe përpjekje për të gjetur një zgjidhje, në vitin 2021 një gjykatës i dha kujdestarinë e përbashkët të fëmijëve të dy prindërve. Ky vendim ishte një hap drejt normalizimit të marrëdhënieve mes ish-përfaqësuesve të Hollivudit, por procesi i divorcit ka vazhduar për një periudhë të gjatë për shkak të disa detajeve të pazgjidhura.
/rtsh.al/
