18 Shtatori është dita e çlirimit të Gjirokastrës.
Në këtë 79-vjetor, shumë qytetarë, drejtues të pushtetit vendor, veteranë si dhe pasardhës të dëshmorëve kanë marrë pjesë në ceremoninë e homazheve të organizuara në varrezat e dëshmorëve të qytetit.
”18 Shtatori është ditë e rëndësishme, është dita e lirisë, ti nderojmë, ti respektojmë, gjithë ato bij dhe bija të Gjirokastrës dhe jo vetëm që derdhën gjakun e tyre,” thotë qytetari.
Gjirokastra u çlirua në mëngjesin e datës 18 shtator të vitit 1944 nga Brigada e 14-t sulmuese dhe Batalioni i 2-të i Brigadës së 19 sulmuese. Qyteti i gurtë numëron 494 dëshmorë.
Gazetar: V.Shumeli
/RTSH/
